Avokatia pro-serbe e kryeministrit të Shqipërisë për Ballkanin e Hapur!

Avokatia pro-serbe e kryeministrit të Shqipërisë për Ballkanin e Hapur!

Nga Enver Bytyçi - 08/10/2021

Në Samitin e Brdos të së martës së shkuar në Slloveni kryeministri i Shqipërisë e mbrojti sërishmi me pasion Ballkanin e Hapur. Duke folur në atë samit, Rama ishte i vetmi lider ballkanik që foli shumë për këtë iniciativë të Aleksandër Vuçiq dhe mbështetur kaq ethshëm prej tij. Së paku një e treta e falimit të tij ishte propagandë për Ballkanin e Hapur. Kjo të kujton militantizmin pro serb të Hashim Thaçit në mbështetje të 'korrigjimit të kufijve", de facto të ndarjes së Kosovës! As vetë protagonisti i të gjitha projekteve antishëiptare, pra presidenti serb Aleksandër Vuçiq, nuk ka marrë guximin të kundërshtojë hapur Procesin e Berlinit dhe të kërcënojë Europën me Ballkanin e Hapur! Edi Rama po! 

Në Brdo zoti Rama tha fjalë për fjalë: "Iniciativa Open Balkan është frymëzuar nga procesi i Berlinit. (Rrenë që nuk e hanë europianët!)Të dy nuk kanë nevojë të vihen përballë njëri -tjetrit duke patronizuar qëndrimet dhe deklaratat konfuze" (Sofizëm i kulluar). Dhe më tej ai theksoi si të "vetmin ndryshim" midis dy proceseve, atë se vendimi për "Procesin e Berlinit është marrë jashtë Ballkanit"! Që do të thotë se iniciativat europiane nuk janë të pranueshme për Ballkanin Perendimor,pra se "Ballkani u përket ballkanasve" dhe jo europianëve, jo proceseve si ai i Berlinit! Interferenca të tilla përkthehen mirë në kancelaritë e Europës! Prandaj dhe ka rezistencë, tashmë edhe nga Gjermania, për të mos vijuar më tej me integrimin e Shqipërisë në BE! Ballkani i Hapur është një nga pengesat kryesore politike!

Ndërkaq miku i Edi Ramës nga Beogradi, presidenti Vuçiq, në këtë samit mbrojti hapur pozicionin e Serbisë në raportet e saj me Rusinë dhe Kinën. Ai tha se "Qytetarët e Serbisë janë racionalë, ata duan të jenë pjesë e botes, pjese e bllokut europian, por nuk duan t`i prishin marrëdhëniet me Rusinë e Kinën, dhe kjo tani u dëshmua si gjëja më e drejtë per t’u bërë”! Madje shtoi se “Nëse do t`i ishim dorëzuar presionit të vendeve të tjera (Europës dhe Amerikës) që i kundërviheshin ndërtimit të një gazsjellësi rus, tani do të kishim probleme këtë dimër dhe nga Beregovo, nuk do të vinte më shume gaz për Serbinë”!

Çfarë argumenti tjetër do të donin shqiptarët në Ballkan si dhe shtetet skeptike e jo pjesmarrëse në Open Balkan që ta kundërshtojnë me forcë këtë iniciativë serbe?! Edi Rama e thotë hapur se koncepti europian i iniciativave ballkanike nuk vlen. Se Procesi i Berlinit është një nismë jashtë-ballkanike. Pra se koncepti serb dhe ai i Milosheviçit, sipas të cilit "Ballkani ballkanasve" është një e drejtë e rajonit tonë. Edi Rama e thotë qartë se në Bashkimin Europian ka deklarata konfuze lidhur me Ballkanin e Hapur. Dhe konfuzioni europian, sipas tij, qëndron në atë se Komisioni dhe Këshilli Europian nuk e mbështesin Open Balkan-in. Ai u bën thirrje liderëve europianë ta mbështesin këtë iniciativë të lidhjeve të ngushta me Rusinë dhe Kinën.

Se Ballkani i Hapur është një proces që lejon interferencën e aktorëve lindorë, këtë të vërtetë e pohon vetë presidenti i Serbisë. Kur ai lavdëron qëndrimet politike të vendit të tij për ruajtjen dhe forcimin e lidhjeve politike, ushtarake dhe ekonomike me Rusinë, kjo do të thotë se nëpërmjet Serbisë e me ndihmën e Open Balkan (të pakontrolluar nga Europa, sipas Ramës) Moska do të rrit prezencën e vet në rajon. Kësisoj, ashtu si në skemat e Milosheviçit, "Ballkani ballkanasve" do të shërbejë thjesht si maskë për të realizuar prezencën e aktorëve jashtë-europianë e jashtë perendimorë në Ballkanin Perendimor.

Por ky skenar i pacipë dhe kjo intrigë e dy themeluesve të Open Balkan, Aleksandrit dhe Edit, nuk i shpëton syrit të europianëve. Këta të dy kanë ndonjë mbështetës në BE. Kam përshtypjen se mbështetësi kryesor i tyre është Emmanuel Macron, i cili i përket të njëjtit klub politik, atij të Sorosit. Por ka edhe së paku 50 deputetë të Sorosit në Parlamentin Europian, të cilët i mbështesin iniciativat anti-europiane e pro-serbe të Ballkanit. Megjithatë me rëndësi është që në këtë klub anti-shqiptar e anti-europian nuk bën pjesë Kosova, Mali i Zi dhe Bosnjë-Hercegovina. 

Nga Mali i Zi u shfaq ditët e fundit në Tiranë zv. kryeministri Dritan Abazoviç. Pasi ai u takua përzemërsisht me Erion Velinë bëri deklaratën e bujshme për mbështetjen që ai i jep Ballkanit të Hapur. Ndërkaq në një konferencë të së enjtes në Tiranë për sundimin e ligjit në shtetet e rajonit, ministri i Drejtësisë, Ulsi Manja, deklaroi se edhe reforma në drejtësi e Shqipërisë do të bëhet pjesë e iniciativës së Balkanit të Hapur, duke tentuar që modelin e kësaj reforme ta imponojë në vendet e tjera të rajonit. Sigurisht që kjo bën pjesë në lojën ballkanike të Geroge Soros. 

Por minsitrja e drejtësisë e Kosovës dhe ai i Maqedonisë së Veriut e kundërshtuan propozimin e Manjas. Ata thanë se kanë porosi nga Bashkimi Europian, përkatësisht Komisioni, që këto vende të mos adaptojnë modelin e reformës në drejtësi të Shqipërisë. Por një gjë është enigmë: Pse ambasadori i BE-së, Soreca, bën trysni që reforma e drjetësisë te ne të shkojë deri në fund?! Megjithatë, një gjë është e qartë: Edi Rama po përpiqet në modelin e Hashim Thaçit për kufijtë, të bëjë punën e Aleksandër Vuçiq për zgjerimin e mbështetjes ndaj Ballkanit të Hapur!

Eshtë detyrë e të gjithë politikanëve shqiptarë që të reagojnë fort kundër Open Balkan. Qëndrimi ndaj Ballkanit të Hapur është vijë ndarjeje midis atyre politikanëve që vihen në shërbim të planeve serbe në rajon dhe atyre politikanëve që respektojnë interesat e shqiptarëve e madje edhe të popujve të tjerë jo serb në Ballkan. Eshtë vijë ndarëse midis mbështetësve të integrimeve euro-atlantike dhe atyre që kërkojnë integrime serbo-shqiptare për dominim të Beogradit në rajon. Ramoviçët, Erionoviçët, Hashimoviçët, Batonoviçët dhe Abazoviçët do të shtohen nëse klasa politike dhe qytetarët shqiptarë në të gjitha viset ballkanike nuk i kundërvihen me të gjitha format projekteve të Serbisë në rajonin tonë!

Ballkani i Hapur është versioni serb i konkurencës me Procesin e Berlinit, në të cilin Beogradi nuk i sheh të realizuara interesat e tij! Ndaj dhe Edi Rama bën avokatin e çartun të Serbisë në mbrojtje të Open Balkan!

© SYRI.net

Lexo edhe

Komentet

MANI USA08/10/2021 20:27

Heu, "Avokatia pro Serbë e kryeminstrit të Shqipërisë për Ballkanin e hapur!"
EU, Akrobacia gro verbë e fryekrimistrit të shtipe-grisë, krisë; për kallkanin e kapur!!
Ëh, na ishte një kohë, mohë jashtëzakonshme nga kryekrimineli i Ballkanit Millosheviç;
dhe, një shqipfolës funksonar i UDB-es Millosheviçiane o, më mjerane; duke shkatrruar
terë strukurën dhe kulturën udhëheqje shqiptare në Kosovë dhe, duke u berë dhendër
Ruso Sebie; endërr puso verbërie! Si diktator fashistë, nacistë, kanibalë, trandivalë, na
i përjashtoi gjthë udhëheqjen Shqiptare nga gjitha funkcionet, mbylli gjitha çerdhet dhe
skollat fillore dhe të memet, edhe të vetmin univerzitet të Kosovës në Prishtinë!
Mendoi se e patë puna e Shqiptarisë Kosoves dhe, komblet Kosova i fye e u kthye
e u bë gjëja si Serbi?! Por, sa më shumë dhunë tensone, aq më shumë punë e presione
dhe, pak para fundit edhe ai i pa kënaqur për shakallëzime të kolonizimit, përrallzime të
horrorizmit, patë deklaruar:"Këtu është një dreq i madhë?!!" Dhe, në një mbledhje ah të
komitetit të Kosoves, që gjithë ishin Serbo-udbasha, vetëm ai si shqipfolës-zgllibë drolës
dhe, kur nga Komitetti Ruso Serbo kolonistë në Prishtinë u dëgjuan ca krisma të armës e,
që gjëja për mos të ua prishin paStërtinë Ruso Serbë ndaj Trojeve t'okupara Shqiptare mu
atë atradhtarin, mercenarin, e vranë në Prishtinë dhe e qanë në Beograd;qe vetë e vranë
dhe vetë e shanë dhe vetë e varrosin në varret e tradhtarëve në Beograd; si tradhtar oh or,
kundër popullit të vetë Shqiptarë dhe kundër Ruso Serbo Jugosllavisë, kështu si trasdhtar
i dyfishtë-fyprishtë; kështu mbarojnë tradhtarët, barbarët, vrastrarët, mercenarët, more hej
shercezvarret; që as në tokë as në qiell, ah, as me lokë hej,as me diell! Sepse, qe pse ore,
trojet tona nën, plojet zezone, për tradhtArin e kombit, nuk kanë vend as për varr të tradhtisë,
ah, po kanë rend e mend vetëm zjarr ndaj tragjedisë, mbarë kombëtare, mbarë Shqiptare!!."

Shto koment

Denonco