Një grup “bretkosash galaktike” që rezultojnë të zhdukura, supozohet të kenë ngordhur, pasi fotografët që hynë pa leje në pyllin tropikal të Keralës, thuhet se shkatërruan mikrohabitatet e tyre për të bërë foto.

Melanobatrachus indicus, secila sa madhësia e majës së një gishti, është e vetmja specie në familjen e saj dhe jeton nën trungje në pyllin e harlisur tropikal në Kerala, Indi. Njollat ​​e tyre të mrekullueshme nuk tregojnë helm, siç supozojnë ndonjëherë njerëzit, por mendohet se përdoren si një mënyrë komunikimi, sipas Rajkumar KP, një anëtar dhe studiues i Shoqatës Zoologjike të Londrës.

Në fillim të vitit 2020, ai gjeti shtatë anëtarë të specieve “magjike” në pyllin tropikal të Ghateve Perëndimore në Indi, por nuk mundi t’i vizitonte gjatë pandemisë Covid. Kur u kthye më vonë, bretkosat ishin zhdukur, sipas një raporti nga ZSL.

Bimësia ishte gjithashtu e shkelur dhe bretkosat, shtëpitë e të cilave ishin shkatërruar, nuk gjendeshin gjëkundi.

Në fillim ai dyshoi se dëmin e kishin shkaktuar mangustat ngjyrë kafe, por ato nuk janë aq të forta sa të përmbysin një trung. Pastaj e pyeti gjurmuesin e tij, nëse kishte parë ndonjë.

"Ai përmendi se kishte disa fotografë që vizitonin atë vend. Disa grupe të vogla. Kështu që më vonë kontaktova gjurmuesit e tjerë dhe ata filluan të më tregonin gjithçka që kishte ndodhur."

Sipas gjurmuesve, këta fotografë të natyrës kishin kthyer trungje në kërkim të specieve të rrezikuara. Kur i gjenin, i kapnin dhe i mbështetnin bretkosat për foto. Por ato nuk mbanin doreza, edhe pse këto krijesa delikate marrin frymë përmes lëkurës së tyre dhe janë tepër të ndjeshme.

Një gjurmues i tha Rajkumarit se dy bretkosa të vogla galaktike kishin ngordhur, pasi ishin ‘përdorur’ për një kohë shumë të gjatë nga fotografët.

"Ai tha se do ta çonin amfibin në një sfond të bukur ose në një trung me myshk për ta fotografuar, duke e zhvendosur nga një vend në tjetrin për të bërë foto më të mira. Atë ditë ata kapën pesë ose gjashtë bretkosa dhe dy prej tyre ngordhën."

Duke kërkuar vazhdimisht në vend në muajt në vijim, Rajkumar nuk mundi të gjente më bretkosa galaktike. Ai u ndie “i pafuqishëm” përballë padrejtësisë.

«Zyrtarët e departamentit të pyjeve, përpiqen të parandalojnë ardhjen e këtyre lloj grupeve. Por ata përdorin zyrtarë më të lartë - politikanë, gjyqtarë të gjykatës së lartë ose diçka të tillë - për t'i lejuar ata të bëjnë fotografi», tha ai.

"U dashurova me këto bretkosa pasi i pashë. Të duket sikur janë të zeza si sqep, por kur i vendos nën dritë mund të gjesh të gjitha yjet - si galaktika në trupat e tyre. Është thjesht magjike."

Dr. Benjamin Tapley, kurator i zvarranikëve dhe amfibëve në ZSL, tha se bretkosat galaktike janë me shumë gjasa një degë “e lashtë”, “e pazëvendësueshme” në pemën e jetës.

«Budallallëk bëj sa herë që shoh një foto të një bretkose galaktike në rrjetet sociale», tha Tapley. «Pyes veten se çfarë ndodhi? Si u shkrep kjo? Si u ndikua habitati?

"Ne jemi vërtet shpresëplotë se mund t'i inkurajojmë njerëzit të veprojnë më etnikisht, në mënyrë që specie të jashtëzakonshme si bretkosa galaktike, të mund të vazhdojnë të lulëzojnë për miliona vjet të tjera."/ The Guardian.