Pas më shumë se një gjysmë shekulli, SHBA-ja do të zbarkojë një sondë në Hënë e cila u lansua të enjten nga Florida përmes raketës Falcon 9 të SpaceX.

Kjo është hera e parë që një kompani private amerikane çon në Hënë një sondë; SpaceX është në pronësi të Elon Muskut,.

Sonda u ndërtua nga kompania e hapësirës ajrore me bazë në Houston, Intuitive Machines.

Zbarkuesi hënor Nova-C me nofkën Odysseus u nis nga Qendra Hapësinore Kennedy e NASA-s në Kepin Canaveral.

Lansimi i caktuar për të mërkurën u shty për 24 orë për shkak të temperaturave të parregullta të zbuluara në metanin e lëngshëm të përdorur në sistemin e shtytjes së sondës.

SpaceX tha se problemi u zgjidh më vonë.