‘Dikur krim, sot Rama rikthen bastet sportive!’ Kastrati: Operatorët t'u nënshtohen procedurave të rregullta

Ministria e Financave dhe Ekonomisë (MFE) ka paraqitur për miratim në Kuvendin e Shqipërisë ndryshimet e paralajmëruara në ligjin “Për lojërat e fatit në Republikën e Shqipërisë”.

Dr. Jalldiz Kastrati, avokate e specializuar në çeshtje penale me licensë ndërkombëtare ishte e ftuar mëngjesin e sotëm në “Kafe Shqeto” ku mes të ftuarve të tjerë ka diskutuar lidhur me temën aktuale në vend, bastet sportive.

Teksa dikur emri i tyre i dytë ishte ‘krim’ ditët e fundit shohim një rikthim në treg nga vetë kryeministri i vendit Edi Rama.

Diskutimi në studio:

Ola: Përliten se do të jepen 10 licenca, kur më herët kanë qenë vetëm 4, pra do të ketë një garë dhe disa kritere, kujt do t’i jepen këta licensa?

Jalldiz Kastrati: Në aspektin ligjor natyrisht këto janë licensa ligjore në radhë të parë, pastaj janë ekonomike dhe detyrimisht do t’u nënshtohen të gjitha procedurave për një biznes të rregullt që nga regjistrimi me vullnet të lirë pranë QKB, etj etj.

Pas normave ekonomike të vendosura në bazë të rregullave ligjore, deri këtu besoj jemi qartësuar pasi këto janë taksatike dhe nuk kemi pse ndalemi te kjo pjesë që është e padiskutuar.

Të gjithë këto operatorë që flitet se do të jenë 10 të tillë do t’i nënshtohen një procedure të rregullt të parashtuar me ligj e natyrisht kjo bëhet me vullnet të lirë dhe sipas normve financiare që ato disponojnë.

Flavio: Ndërkohë ne aktualisht kemi edhe kompanitë ndërkombëtare të Kazinove përmes atyre që janë hapur, cilat janë rreziqet në termat ligjore që ekzistojnë në paaftësinë e shtetit shqiptar për t’i kontrolluar?

Jalldiz Kastrati: 'Përderisa këto kompanitë e huaja do të integrohen në këtë biznes madhor detyrimisht kemi të bëjmë me ligjin ndërkombëtar dhe në bazë të  marrëveshjeve ligjore që ekzistojnë dhe që duhet të jenë të zbatueshme për këtë industri madhore ekonomike.

Çdo kompani e huaj që do të vijë këtu detyrimisht do të zbatojë ligjin shqiptar, këtë e kemi edhe për rastet paralele'.

Klea Sula/ Syri.net