Deputeti i Partisë Demokratike Isuf Çelaj ka reaguar me një shënim në faqen e tij në Facebook ndaj një situatë të paprecedentë që po ndodh në Tropojë. Masivi i madh i gështenjave është përfshirë nga flakët dhe askush nga instancat shtetërore lokale apo qendrore nuk reagojnë.
Mesazhi i deputetit:
Vazhdon edhe tani në këto momente zjarri në masivin e gështenjave në fshatrat Gri e Gegëhysen të Tropojës!
Me gjithë angazhimet e pandërprera të banorëve të zonës është e pamundur që të ndalojnë flakët që kanë përfshirë këtë masiv!
Ky zjarr po ju kërcënon shtëpitë dhe pronat e tyre, dëmi i shkaktuar prej zjarrit është i pa llogaritshëm edhe ndaj mjedisit natyror !
Gështenja ëshjtë pemë e bekuar prej Zotit dhe u ka sherbyer dhe u shërben këtyre banorëve për t'u ushqyer si një pasuri e çmuar në shekuj!
Thirrja për institucionet shtetërore që të marrin masa urgjente e tju shkojnë në ndihmë këtyre banorëve të lënë në harresë nga shteti i tyre!
Është obligim ligjor mbrojtja e pasurisë natyrore banesave të këtyre banorëve!
Postimi i plotë i deputetit demokrat i nje dite më parë:
Sot një zjarr i madh ka përfshirë masivin e gështenjave të fshatrave Gri dhe Geghysen në rrethim e Tropojës dhe po shkatërron tërësisht kurorën me pyjet e gështenjave, duke rrezikuar edhe banesat e banorëve të këtyre fshatrave që ndodhen në afërsi të këtyre masiveve!
Deri tani nuk kemi asnjë reagim nga ana e institucioneve duke filluar nga Bashkia, Prefektura si dhe Agjencia Shtetërore e Emergjencave Civile pranë Ministrisë Mbrojtjes!
Thirrja ime shkon për këto institucione që të ndërhynë me shpejtësi për të bërë të mundur vendosjen e situatës nënkontroll si dhe të hetohet shkaku i kësaj zjarrvënie!
© SYRI.net