Dy automjete u përplasën kokë më kokë pasditen e sotme në aksin rrugor Elbasan-Librazhd, pranë fshatit Xibrakë.
Në aksident janë përfshirë një kamion që vinte nga Maqedonia e Veriut me drejtues V.J dhe një automjet tip 'Citroen' me drejtues E.M, banues në Tiranë.
Përplasja ka rezultuar fatale për 54-vjeçaren F.G, pasagjere në autoveturë e cila ka ndërruar jetë në vendin e ngjarjes, ndërkohë që është plagosur edhe një 37-vjeçare.
Kjo e fundit mësohet se ndodhet jashtë rrezikut për jetën.
Syri.net dhe Syri Tv sjellin pamjet e para nga vendi i ngjarjes. Siç duket në video makina 'Citroen' është shkatërruar krejtësisht nga përplasja.
Shkaqet e aksidentit mbeten të paqarta.
© SYRI.net