Kryeministri i Kosovës, Albin Kurti, ka bërë të ditur se dorëheqja e papritur e ministrit të Mbrojtjes, Armend Mehaj është për shkaqe familjare. Në mesazhin e tij në fb, Kurti shkruan:
"Sot, me kërkesë të ministrit të Mbrojtjes, Armend Mehaj, kam pranuar dorëheqjen e tij. Kërkesa për lirim nga detyra vjen për shkaqe familjare.
Ministrin Mehaj e falënderova për punën e pandërprerë, kontributin mbresëlënës, bashkëpunimin e rregullt dhe angazhimin e tij shembullor nga dita e parë e marrjes së detyrës.
Ministër të ri të Mbrojtjes emërova Ejup Maqedoncin, me të cilin kemi bashkëpunuar deri më tani në funksione tjera. Ministrit Maqedonci i uroj punë të mbarë në avancimin e mbrojtjes dhe sigurisë, në zhvillimin dhe ndërtimin e ushtrisë sonë.
Me këtë rast zhvilluam një takim të përbashkët edhe me komandantin e Forcës së Sigurisë së Kosovës, Gjenerallejtënant Bashkim Jashari" përfundon Kurti dhe ka publikon edhe foton e takimit.
© SYRI.net