Tre policë kufitarë të Kosovës janë rrëmbyer nga njësia speciale policore e Serbisë brenda territorit të Kosovës.

Zëdhënësi i Policisë, Baki Kelani, ka deklaruar se pretendimet se ata ishin arrestuar brenda territorit të Serbisë nuk janë të vërteta. Policët ishin patrullues kufitarë dhe kryenin detyrën e tyre në një pikë statike në territorin e Kosovës për të parandaluar kalimin e grupeve kriminale dhe kontrabandën, duke përfshirë dyshime për armatim në atë zonë, njofton Telegrafi. 

Policia e Kosovës ka publikuar hartën e vendndodhjes së tre policëve të cilët u rrëmbyen dhunshëm nga njësia speciale policore e Serbisë, brenda territorit të Kosovës.

Zëdhënësi i Policisë, Baki Kelani, tha se tre policët kufitar të Kosovës, u rrëmbyen në mënyrë klasike nga njësia speciale policore e Serbisë. Sipas tij, pretendimet e tyre se policët e Kosovës, janë arrestuar brenda territorit të Serbisë nuk janë të vërteta.

“Në formë të organizuar kanë rrëmbyer tri zyrtarë të Policisë së Kosovës, patrullues. Dua të theksoj se ka ndodhur një rrëmbim klasik nga forcat serbe.

Policia dëshiron të theksojë se njësia patrulluese e kufirit, ka qenë me detyrë zyrtare, në pikë statike thellë në territorin e Kosovës.

Kanë qenë duke e kryer detyrën zyrtare, për ta parandaluar kalimin e grupeve kriminale të kalojnë, ta ndalojnë kontrabandimin përfshirë edhe dyshimet për armatim në atë pjesë”, ka thënë ai.