Policia në Ferizaj të Kosovës njofton se ka arrestuar dy persona, pasi dyshohet se kanë dhunuar seksualisht disa vajza të mitura.

Sipas komunikatës të policisë, të dyshuarit janë shtetas të Maqedonisë së Veriut. 

“Janë arrestuar dy të dyshuar meshkuj shqiptarë, shtetas të Republikës së Maqedonisë Veriore, pasi dyshohet se këta individë kanë kryer veprën penale të dhunimit, ndaj viktimave femra kosovare (të mitura)”, thuhet në njoftim.

Bëhet me dije, se me vendim të marrë nga prokurori, të dyshuarit janë dërguar në paraburgim.