Organizata “Albanians for Trump” (“Shqiptarët për Trumpin”) kanë publikuar një letër të hapur drejtuar komunitetit shqiptar në Shtetet e Bashkuara, përmes së cilës I bëjnë thirrje patriotëve të tyre të votojnë kandidatin për president Donald Trump.
Organizata ka theksuar faktin se çështja e Kosovës do të zgjidhet drejtë vetëm nën presidencën e Trump dhe më tej ka përmendur edhe marrëveshjen ekonomike të nënshkruar në Ëashington.
Në këtë letër, rivali i Trumpit dhe kandidati demokrat për president të ShBA-së, Joe Biden, akuzohet se nuk ka bërë asgjë gjatë kohës kur kishte shërbyer si nënpresident në mandatin e Barack Obamas.
“Vetëm disa javë para zgjedhjeve presidenciale, kandidati Biden bëri një propozim të paqartë me shkrim për marrëdhëniet Kosovë – Serbi, por në tetë vjet, kur Bideni shërbente si nënpresident, nuk bëri asgjë pos që e la Kosovën të pambikëqyrur dhe tërësisht të harruar”, thuhet në këtë letër.
Për më tepër, Bideni në këtë letër akuzohet se i ka kërkuar falje Serbisë për bombardimet e NATO-s dhe i ka rivendosur raportet me Serbinë.
© SYRI.net