12-vjetori i Pavarësisë/ Letra e presidentit italian: Na llogarisni si vend mik

12-vjetori i Pavarësisë/ Letra e presidentit italian: Na llogarisni si vend mik

17:30, 16/02/2020

Presidenti i Republikës së Kosovës, Hashim Thaçi, ka pranuar një letër urimi për 12-vjetorin e pavarësisë nga Presidenti i Italisë, Sergio Mattarella.

Në letrën e tij, presidenti italian shkruan ndër të tjera se, Kosova e di se mund të llogarisë në Italinë, një vend mik i angazhuar konkretisht në ndjekjen nga afër të forcimit institucional dhe zbatimin e reformave që në mënyrë progresive mund të përafrojnë me Bashkimin Evropian.

Për dialogun Kosovë- Serbi, Mattarella shpreh mbështetjen e plotë sipas procesit të lehtësar dhe nga BE.

“Mbështetja jonë e plotë në një proces të tillë, dëshmohet edhe me pjesëmarrjen e vazhdueshme në misionin e KFOR-it, ku Italia vazhdon ta ketë komandën”, shkruan në letrën e tij Matarella.

LETRA E PRESIDENTIT TË ITALISË

"Në përvjetorin e lumtur të festës kombëtare, kam kënaqësinë që në emër të popullit Italian dhe në emrin tim personal t’ju shpreh urimet më të përzemërta.

Kosova e di se mund të llogarisë në Italinë, një vend mik i angazhuar konkretisht në ndjekjen nga afër të forcimit institucional dhe zbatimin e reformave që në mënyrë progresive mund të përafrojnë me Bashkimin Evropian. Mbështetja jonë e plotë në një proces të tillë, dëshmohet edhe me pjesëmarrjen e vazhdueshme në misionin e KFOR-it, ku Italia vazhdon ta ketë komandën.

Në një kontekst të tillë është thelbësor – edhe në kuadër të stabilitetit rajonal – procesi i dialogut mes Prishtinës e Beogradit i lehtësuar nga BE-ja, që Italia e mbështet me bindje.

Në këtë frymë, ju shpreh edhe njëherë urimet më të sinqerta për mirëqenien tuaj dhe prosperitetin e popullit mik Kosovar".

© SYRI.net

Lexo edhe:

Komentet

Shto koment

Denonco