Presidenti serb Aleksandar Vuçiç mbajti një takim mbrëmë me Jan Hecker dhe Matthias Leuttenberg, këshilltarët e kancelares gjermane Angela Merkel.
Takimi u mbyll rreth mesnatës, raporton Blic-i serb, duke shtuar se pas bisedimeve pothuajse dy orëshe nuk pati njoftime zyrtare apo deklarata, transmeton Klan Kosova.
Dy këshilltarët kryesorë të kancelares gjermane Angela Merkel të hënën në Prishtinë u takuan me presidentin e Kosovës, Hashim Thaçi dhe kryeministrin Ramush Haradinaj.
Klani mëson se Jan Hecker dhe Matthias Leuttenberg i thanë shefit të qeverisë të heqë taksën, pasi Beogradi më pas do të kushtëzojë dialogun me platformën dhe Prishtina nuk duhet të fajësohet për bllokim të procesit
© SYRI.net