Nju Jork, shqiptari përleshet dhe u rrëmben serbëve, flamurin e Kosovës në flakë Flamuri që u rrëmbeu serbëve

Nju Jork, shqiptari përleshet dhe u rrëmben serbëve, flamurin e Kosovës në flakë

10:12, 18/02/2019

Disa të rinj serbë dhe një shqiptar nga Kosova janë përfshirë të dielën mbrëma në përleshje fizike në një lagje në Astoria të Nju Jorkut, duke bërë që të ndërhyjë policia.

Serbët kishin bërë provokim, duke djegur flamurin e Kosovës dhe duke brohoritur “Kosova është Serbi”. Shqiptari nga Kosova, Anton Përgjokaj kishte ndërhyrë duke iu marrë flamurin nga dora, moment ky kur edhe kishte nisur perleshja.

Lajmi.net ka siguruar fotografinë dhe deklaratën e shqiptarit nga Klina, i cili prej 20 vjetësh jeton në Nju Jork. “Unë isha në makinë kur pashë një grup njerëzish me flamurin e Kosovës në dorë. Në fillim mendova se ishin shqiptarë duke festuar, por kur u afrova i dëgjova duke brohoritur: ‘Kosova është Serbi’,”, tregon Përgjokaj.

“Ndërkohë që njëri nga ata mbante flamurin, tjetri filloi ta djegë me shkrepse. Kur pashë flakën nuk durova, kam dalë shpejt nga makina dhe ua kam marrë flamurin nga dora”, tregon Përgjokaj. “Dy nga serbët m'u vërsulën dhe aty nisem të përleshemi fizikisht, derisa ndërhyri policia”.

“Ishte provokim i rëndë, nuk mund të kaloja sikur nuk po ndodhte asgjë. Edhe në Polici e thashë në deklaratën time, që nuk do të qëndroj asnjëherë indiferent kur me fyhet flamuri ose simbolet e shtetit tim”, përfundon Përgjokaj.

© SYRI.net

Lexo edhe:

Komentet

Shto koment