Vdes në moshën 54-vjeçare aktori i filmit 'Buffy The Vampire Slayer'

 Aktori amerikan Nicholas Brendon, i njohur për rolin e tij kryesor në serialin kult 'Buffy the Vampire Slayer', ka vdekur në moshën 54-vjeçare.

Familja shtoi: “Ai ishte i pasionuar, i ndjeshëm dhe pa fund i motivuar për të krijuar. Ata që e njihnin vërtet e kuptonin se arti i tij ishte një nga pasqyrimet më të pastra të asaj që ai ishte.

Shumica e njerëzve e njohin Nicky për punën e tij si aktor dhe për personazhet që ai solli në jetë ndër vite. Në vitet e fundit, Nicky kishte gjetur pasionin e tij në pikturë dhe art.”

Brendon luajti rolin e Xander Harris në Buffy the Vampire Slayer për shtatë sezone, nga viti 1997 deri në 2003 – shoku më i mirë i personazhit kryesor të luajtur nga Sarah Michelle Gellar. Një rindezje (reboot) e planifikuar e serialit u anulua, siç njoftoi Gellar për fansat në Instagram më herët këtë muaj.

Pas lajmit për vdekjen e kolegut të saj, Gellar, duke cituar një monolog të famshëm nga personazhi i tij në serial, shkroi:
“Ata kurrë nuk do ta dinë sa e vështirë është të jesh ai që nuk zgjidhet. Të jetosh kaq pranë vëmendjes, dhe të mos hysh kurrë në të. Por unë e di. Unë shoh më shumë se sa e kupton kushdo, sepse askush nuk po më shikon mua.”

“A të pashë, Nicky,” shtoi ajo. “E di që je në paqe, në atë karrigen e madhe lëkundëse në qiell.”

Aktori i lindur në Los Anxhelos mori tre nominime për çmimet Saturn për rolin e tij në Buffy: dy për aktorin më të mirë në televizion dhe një për aktorin më të mirë dytësor në televizion.

Vëllai i tij binjak, Kelly Donovan Schultz, gjithashtu e zëvendësoi si dublant në dy episode të Buffy.

Ai luajti gjithashtu përkrah Alyson Hannigan, e cila ndau një homazh në Instagram. Ajo shkroi:
“Nicky im i ëmbël, faleminderit për vitet e të qeshurave, dashurisë dhe Dodgers. Do të të kujtoj sa herë që të shoh një karrige lëkundëse. Të dua. U prehsh në paqe.”

Pas Buffy-t, Brendon u shfaq në seriale të ndryshme si Criminal Minds, Private Practice dhe Kitchen Confidential.

Ai gjithashtu pati role në filma si Psycho Beach Party, Big Gay Love dhe Redwood.

Brendon kishte folur hapur për problemet e tij shëndetësore, përfshirë një atak në zemër, dhe kishte kaluar dy operacione në shtyllën kurrizore për Cauda equina syndrome, një gjendje e rrallë që mund të ndikojë në lëvizje si dhe në funksionin e fshikëzës dhe zorrëve.

Aktori jetonte gjithashtu me belbëzim dhe më vonë u bë mbështetës i kësaj kauze si zëdhënës për Stuttering Foundation of America.

Aktori i ndjerë kishte folur edhe për përballjen e tij me varësinë nga substancat, alkoolizmin dhe problemet e shëndetit mendor.

Familja e tij i tha Hollywood Reporter: “Edhe pse nuk është sekret që Nicholas kishte pasur vështirësi në të kaluarën, ai ishte në trajtim dhe me medikamente për të menaxhuar diagnozën e tij dhe ishte optimist për të ardhmen në kohën e ndarjes nga jeta.”