FOTOLAJM/ E mbuluar nga koka te këmbët! Rike Roçi viziton vendin e shenjtë

Rike Roçi ka surprizuar ndjekësit e saj në rrjetet sociale, duke shfaqur këtë herë një anë krejt tjetër të vetes.

Influencerja, e njohur për pozat e saj sensuale, paraqitjet e guximshme dhe fotot me rroba banjo ku ekspozon format bombastike, këtë herë është shfaqur e mbuluar totalish.

Ajo ka ndarë momente nga një udhëtim për Umrah në Mekë, në Arabinë Saudite, ku shfaqet e mbuluar nga koka te këmbët, me veshjen karakteristike të grave myslimane, larg imazhit seksi që zakonisht e shoqëron në rrjetet sociale.

“Ju përgjigja një thirrjeje të shenjtë. Allah, faleminderit që më zgjodhe ndër mysafirët e Tu. Një ëndërr e realizuar me mëshirën Tënde. Mirënjohëse për çdo hap, çdo lutje, çdo lot, një përvojë që do ta mbaj përgjithmonë në zemër. Allahu e pranoftë Umren dhe ua mundësoftë të gjithëve vizitën në Shtëpinë e Tij”, ka shkruar ajo krahas fotove.

Ky transformim i Rikes nuk ka mbetur pa u komentuar nga ndjekësit e saj, të cilët më herët “surprizoheshin” nga ajo me poza provokuese me bikini nga plazhi, ndërsa tani ajo shfaqet në vende të shenjta islamike.