Dhjetë këshilla mode nga Giorgio Armani që çdo person me stil duhet t'i përvetësojë

Giorgio Armani, legjenda e modës italiane, ndërroi jetë dje në moshën 91 vjeç. Ai do të mbahet mend për kontributin e jashtëzakonshëm në botën e modës, duke revolucionarizuar kostumet e meshkujve dhe duke çliruar modën femërore nga prerjet e ngurta.

Armani ishte një njeri që formësoi perceptimin modern të modës dhe mbeti konsistent me estetikën e tij deri në fund, shkruan Zapodzena.rs. Ai nuk ka qenë kurrë i interesuar në trendet e shpejta dhe të përkohshme. Në qasjen e tij minimaliste dhe femërore ndaj modës, ai gjithmonë këmbënguli në ngjyra të zbehta, materiale cilësore dhe prerje perfekte.

Pikërisht për këtë arsye ai ka mbijetuar në atë industri dhe ka mbetur në krye që nga viti 1975, kur lançoi markën e tij.

Disa nga parimet e modës të Giorgio Armani- t:

E zeza dhe grija i shkojnë më shumë figurës sesa ngjyrat e tjera. Duke përdorur këtë paletë, mund të eksperimentoni me format dhe materialet.

Një palë këpucë të lira janë një investim i keq. Këpucët janë themeli i gardërobës suaj.

Për mua, stili është më i rëndësishëm sesa trendet jetëshkurtra.

Parfumi është më shumë se një aromë, është prania e abstraksionit. Parfumi është misticizëm për mua.

Zgjidhni materiale neutrale pa dekorime të ndritshme dhe të ndezura. Do t'i vishni më gjatë nga pikëpamja e modës.

Gjëja më e rëndësishme që mund të blesh është një orë dore. Ajo thotë shumë për një person.

Ju kujtoj se mund ta vishni grin me të zezën, por edhe me ngjyrën kafe.

Xhaketa është baza e gardërobës. Duhet të jetë e qepur mirë, të rrijë në mënyrë perfekte dhe të jetë e qepur në mënyrë që të ndiheni të sigurt dhe rehat. Kur keni një xhaketë të mirë, çdo gjë tjetër është e parëndësishme.

Mos u streso për rrobat: njerëzit më elegantë duken sikur nuk përpiqen dhe nuk bëjnë asnjë përpjekje. Në fund të fundit, stili ka të bëjë tërësisht me shprehjen e vetes.

Vlera e aksesorëve po rritet sot, prandaj investoni në këpucë, rripa, çanta. Me ndihmën e tyre, mund të rifreskoni një kostum të vjetër. Mbani mend se cilat ngjyra vishni më shpesh dhe blini detaje mode në ato ngjyra.

Armani do të mbahet mend jo vetëm për mënyrën se si ndryshoi modën, por edhe për filozofinë e tij për stilin, që theksonte elegancën, rehatinë dhe autenticitetin. Ai mbetet një nga figurat më të rëndësishme të industrisë së modës, një frymëzim për breza të tërë dizajnerësh dhe adhuruesish të modës në mbarë botën.