FOTO/ Partnerja e re e Mauro Icardit feston golin me një dedikim emocionues

Mauro Icardi ka lënë pas krahëve një periudhë të vështirë dhe është rikthyer të shënojë për Gallatasarain, 259 ditë pas dëmtimit serioz në gju.

Sulmuesi argjentinas ka gjetur sërish rrugën e rrjetës, duke dhënë sinjale të qarta se është gati të ndihmojë ekipin turk në objektivat e këtij sezoni. Por mbrëmja nuk ishte e veçantë vetëm për golin.

Partnerja e tij, aktorja dhe modelja Eugenia “La China” Suarez, ka ndarë në rrjete sociale një mesazh mbështetjeje dhe dashurie për Ikardin: “Jam krenare për ty. Kanë provuar të të përulin, të të rrëzojnë. Nuk ia dolën. Je kthyer, të dua me gjithë zemër”, shkroi ajo.

Dedikimi i Suarez është bërë menjëherë viral, duke marrë mijëra reagime nga fansat, të cilët kanë festuar së bashku rikthimin e bomberit argjentinas.

Një rikthim që i jep jo vetëm moral lojtarit, por edhe besim të madh Gallatasarait për sfidat që e presin.