Sensacioni i momentit, flet berberi që e qethi në mënyrë të veçantë Jack Kay, ‘shefin e madh të Ibizas’

Berberi ka treguar saktësisht çfarë i kërkon shefi i madh ‘kamzali’ kur qethet ‘tas’.

Jack Kay, ‘shefi i madh i Ibizas’ është bërë një sensacion viral për modelin e tij të flokëve në destinacionin e njohur të festave.

26-vjeçari nga Neëcastle u bë i famshëm në rrjetet sociale për këtë prerje ikonike, të kombinuar me një varë të trashë ari dhe syze të mëdha stili me skelet gold, teksa kërcente në skenën e gjallë të jetës së natës në ishullin spanjoll më një çantë Louis Vuitton në lrah e një gotë në dorë.

Edhe pse Jack ka qenë mjaft i rezervuar për famën e tij të papritur si ‘meme’, ai postoi një mesazh të shkurtër në Instagram Story:

‘Vlerësoj gjithë dashurinë dhe mesazhet nga të gjithë. Do t’ju kthej përgjigje sa më shpejt që të mundem. Është thjesht shumë për mua për ta shijuar në këtë moment. Jam thjesht një djalë normal nga Newcastle. Është çmenduri, qëndroni gati, kam disa lajme të mëdha.’

Berberi Ali Kurbani, pronar i B&D Barbers në Blaydon, Gateshead, mezi priste ribashkimin me klientin e tij.

Pas një përqafimi, Ali e pyeti: ‘Si je? A je mirë? Pashë çfarë ndodhi, urime.’ Jack iu përgjigj shkurt se ishte ‘çmenduri’, përpara se të pozonte për një foto në sallon.

Duke shpjeguar saktësisht çfarë kërkon Jack për të arritur këtë pamje dhe sa kushton prerja, Ali tha:

‘Kam vite që e bëj këtë punë dhe kjo është e mahnitshme. Ne kemi qethur Jack për rreth dhjetë vjet dhe nuk e prisnim këtë famë. Ai e ka patur këtë stil prej disa kohësh.’

39-vjeçari me origjinë nga Kurdistani shtoi: ‘Për ta arritur këtë stil, Jack kërkon një rruajtje anash dhe gjatësinë sipër. Prerja kushton rreth 34 $ (28 mijë lekë të vjetra) por ndonjëherë Jack na paguan më shumë. Mendoj se do ta mbajë këtë stil.’

Berberi është duke shijuar vëmendjen e fituar nga ky model flokësh viral, teksa shtoi: ‘U gëzova shumë kur pashë që videoja u bë virale. Jam shumë i lumtur për këtë dhe Jack është një djalë shumë i mirë. Është fantastike të shoh që kjo po i ndodh biznesit tonë.’

‘Ai është një karikaturë e gjallë. Njerëzit zakonisht nuk duken ashtu, por ai është saktësisht ajo që imagjinon kur mendon dikë që shkon në Ibiza. Është çmenduri.’