Stina e verës sjell më shumë ekspozim ndaj diellit, nxehtësi dhe ndotje, faktorë që ndikojnë drejtpërdrejt në shëndetin e lëkurës. Për të mbajtur një lëkurë të freskët, të hidratuar dhe të shëndetshme, dermatologët këshillojnë kombinimin e trajtimeve të jashtme me një ushqyerje të kujdesshme.

Ushqimet që ndihmojnë lëkurën në verë

Frutat dhe perimet e pasura me antioksidantë janë aleatë të fuqishëm të lëkurës. Shalqiri, kastraveci, domatet, boronicat, spinaqi dhe karotat ndihmojnë në hidratim dhe mbrojtje ndaj rrezeve UV. Gjithashtu, konsumimi i mjaftueshëm i ujit është thelbësor për të ruajtur elasticitetin dhe freskinë e lëkurës.

Trajtimet e duhura

Përdorimi i kremit kundër diellit me faktor mbrojtës të lartë (SPF 30+) është i domosdoshëm gjatë gjithë ditës, madje edhe në ditët me re. Pas ekspozimit në diell, rekomandohet përdorimi i produkteve qetësuese si aloe vera ose kremra me përmbajtje antioksidante. Pastrimi i fytyrës me produkte të buta, përdorimi i maskave hidratuese dhe evitimi i makijazhit të rëndë ndihmojnë në ruajtjen e shëndetit të lëkurës.

Ekspertët këshillojnë që në verë të shmanget lyerja me kremra të rëndë ose përdorimi i produkteve që irritojnë lëkurën. Kujdesi i përditshëm është çelësi për një pamje të freskët dhe të pastër gjatë gjithë sezonit.