Sofia Vergara festoi ditëlindjen e saj të 53-të më 1 korrik dhe qyteti i saj i lindjes, Barranquilla në Kolumbi, vendosi ta nderojë me një statujë gjigante 7.5 metra të lartë.

Por në vend të një ovacioni, përurimi i saj ndezi një stuhi memes dhe komentesh tallëse në rrjet.

Skulptura, e punuar për 7 muaj nga artisti Yino Marquez me ndihmën e gjashtë studentëve të artit, u vendos buzë lumit në qytet, duke peshuar plot 5.5 ton.

Ajo synonte të ishte një homazh për suksesin e Sofias si një nga figurat më të famshme të Hollivudit me origjinë kolumbiane.

Por… realiteti nuk përputhej me pritshmëritë.

Në rrjetet sociale, përdoruesit e përshkruan statujën si “një përzierje mes Jessica Rabbit dhe një personazhi të rastësishëm në cosplay”, ndërsa të tjerë thjesht shkruanin: “Kjo s’mund të jetë ajo”.

Një koment u bë viral: “Ai që e ka bërë, ndoshta ka ndjekur të njëjtën shkollë arti si ai që bëri statujën famëkeqe të Ronaldos!”