Nancy Gonzalez, një stiliste e cila ka punuar me yje të mëdhenj të Hollivudit, është dënuar me 18 muaj burg pasi u deklarua fajtore për kontrabandën e çantave të krokodilit në SHBA.
Dizajnerja kolumbiane Nancy Gonzalez është e njohur për çantat e saj luksoze të cilat janë mbajtur nga Salma Hayek, Britney Spears dhe Victoria Beckham si dhe janë shfaqur në "Sex and the City" dhe në një ekspozitë të vitit 2008 në Muzeun Metropolitan të Artit të Nju Jorkut.
Por karriera e saj gati u shkatërrua kur u arrestua në Cali, Kolumbi në vitin 2022 përpara se të ekstradohej në SHBA mbi një komplot shumëvjeçar për të rekrutuar korrierë për të kontrabanduar çanta krokodili për në ekspozita dhe aktivitete të modës në Nju Jork.
Çantat e dorës ishin bërë nga kaiman dhe pitonë të rritur në robëri dhe ndërsa lëkurët e tyre lejohen ligjërisht të tregtohen në SHBA, speciet janë kafshë të egra të mbrojtura që kërkojnë monitorim nga afër sipas Konventës për Tregtinë Ndërkombëtare të Specieve të Rrezikuara të Faunës dhe Florës së Egër - njohur me inicialet CITES.
71-vjeçarja Gonzalez u deklarua fajtore në gjykatën e Majamit këtë javë. "Gjithçka nxitet nga paratë," tha ndihmësprokurori amerikan Thomas Watts-Fitzgerald, i cili e krahasoi sjelljen e Gonzalez me atë të trafikantëve të drogës.
Avokatët e Gonzalez kërkuan butësi për stilisten e famshme, duke e përshkruar udhëtimin e saj si një nënë e divorcuar beqare me dy fëmijëve, e cila krijonte rripa me një makinë qepëse në shtëpi në Cali për miqtë derisa u kthye në një ikonë të modës që ia kalonte Dior, Prada dhe Gucci.
"Ajo ishte e vendosur t'u tregonte fëmijëve të saj dhe botës se gratë, duke përfshirë gratë e pakicave si ajo, mund të ndjekin ëndrrat e tyre me sukses dhe të bëhen të pavarura financiarisht," shkruan ata në një memo përpara seancës dëgjimore të së hënës. “Kundër të gjitha, kjo grua e vogël, por e fuqishme, ishte në gjendje të krijonte kompaninë e parë luksoze dhe të nivelit të lartë të modës nga një vend i botës së tretë.”/ar/sh/SYRI.NET
© SYRI.net
U gjykuan për diferencën në moshë, Erolld Belegu u 'mbyll' gojën komentuesve
FOTO/ Ajo 77 ai 38 vjeç, Cher tregon arsyen unike pse lidhet me djem të rinj
Pas skandalit me pandoron Pantene është kompania e radhës që ndërpret kontratën me Chiara Ferragni-n 
Denonco
Merrni lajmet më të fundit nga SYRI.net në çdo moment dhe kudo që të jeni!
