Sofia Vergara po takohet me mjekun Justin Saliman dhe duket se mes tyre, gjërat shkojnë shumë mirë. Aktorja dhe mjeku kanë një kimi të paparë thonë burimet dhe ajo po bie në dashuri.
 
“Sofia po dashurohet me Justin, pasi kalon shumë kohë me të. Ata kanë një kimi fantastike dhe miqtë mendojnë se janë një çift i mrekullueshëm”, u shpreh burimi, duke shtuar se: “Ajo duket shumë e lumtur pas takimeve me të”.

Vergara, 51 vjeç dhe Saliman u shfaqën publikisht në një takim në Beverly Hills. Ata janë parë disa herë së bashku, të buzëqeshur dhe të lumtur në shoqërinë e njëri-tjetrit.Romanca e re e Sofia-s vjen pas divorcit me Joe Manganiello, 46 vjeç. Ata u ndanë pas 7 vitesh, për arsye se kishin shumë dallime mes tyre.