Miqësia është një lidhje e ngushtë mes njerëzve, e cila bazohet në sinqeritet, mbështetje dhe sigurisht, ka disa veprime që njerëzit bëjnë që shoqëria e tyre të zgjasë përgjithmonë.
 
Ata respektojnë kufijtë e njëri-tjetrit
 
Të gjithë kanë kufijtë e tyre dhe është shumë e rëndësishme që njerëzit e tjerë t’i respektojnë, sidomos miqtë. Që nga respektimi i hapësirës, i kohës, apo shmangia e temave të ndjeshme për të tjerët, kufijtë dhe limitet janë të ndryshme, po respekti ndaj tyre duhet të mbetet i njëjtë.
 
Ata janë gati ta ndihmojnë njëri-tjetrin
 
Miqtë e vërtetë e ndihmojnë njëri-tjetrin në raste të ndryshme, sidomos në momentet kur kanë nevojë për një person të dashur përkrah.
 
Komunikojnë dhe zgjidhin konfliktet
 
Keqkuptimet në një marrëdhënie, qoftë ajo familjare, sentimentale, apo shoqërore, janë normale. Ajo që duhet bërë në këto raste është të komunikojnë në mënyrë të hapur dhe të sinqertë, për të zgjidhur konfliktet mes tyre.
 
Festojnë sukseset dhe arritjet e njëri-tjetrit
 
Sigurisht, kjo është një pjesë tjetër esenciale, e cila në shumë raste mund të prishë marrëdhëniet dhe shoqëritë. Duhet të kesh parasysh që arritjet e miqve janë një arsye për të festuar dhe për t’u ndjerë krenarë për ta.