Vitet e fundit, detyrat e shtëpisë janë bërë një temë shumë e diskutueshme. Shumë prindër kanë ngritur shqetësime në lidhje me detyrat e shtëpisë dhe kanë vënë në dyshim se sa efektive janë ato në përmirësimin e të nxënit të nxënësve.

Ekzistojnë gjithashtu shqetësime se nxënësit thjesht marrin shumë detyra shtëpie, gjë që pengon kohën cilësore të familjes dhe mundësitë për aktivitet fizik.

Hulumtimet sugjerojnë se këto shqetësime mund të jenë të vlefshme. Për shembull, një studim raportoi se nxënësve të shkollave fillore, mesatarisht, u caktohen trefishi i sasisë së rekomanduar të detyrave të shtëpisë.

Çfarë thotë hulumtimi? Cilat janë rreziqet dhe përfitimet e mundshme të detyrave të shtëpisë dhe sa  shumë është "shumë"?

Përfitimet akademike dhe joakademike

Së pari, hulumtimi zbulon se detyrat e shtëpisë shoqërohen me rezultate më të larta në testet e standardizuara akademike për nxënësit e shkollave 9-vjeçare dhe të mesme, por jo nxënësit e shkollave fillore. Një studim eksperimental i kohëve të fundit në Rumani gjeti disa përfitime për një sasi të vogël të detyrave të shtëpisë tek nxënësit e shkollës fillore në lëndët shoqërore, por jo për detyrat e matematikës. Megjithatë, është interesante se ky ndikim pozitiv ndodhi vetëm kur nxënësve iu dha një sasi e moderuar e detyrave të shtëpisë (rreth 20 minuta mesatarisht).

Megjithatë, qëllimi i detyrave të shtëpisë nuk është thjesht përmirësimi i aftësive akademike. Hulumtimet zbulojnë se detyrat e shtëpisë mund të kenë disa përfitime joakademike, të tilla si ndërtimi i përgjegjësisë, aftësitë e menaxhimit të kohës dhe këmbëngulja. Detyrat e shtëpisë mund të rrisin gjithashtu përfshirjen e prindërve në shkollimin e fëmijëve të tyre.

Megjithatë, shumë detyra shtëpie mund të kenë gjithashtu disa ndikime negative në aftësitë joakademike duke reduktuar mundësitë për kohë të lirë, e cila është thelbësore për zhvillimin e aftësive njohëse, vetë-rregullimit dhe aftësive social-emocionale. 

Cila është  "masa e duhur" e detyrave të shtëpisë?

Hulumtimet sugjerojnë që detyrat e shtëpisë nuk duhet të kalojnë 1,5 deri në 2,5 orë  për nxënësit e shkollave të mesme dhe jo më shumë se 1 orë për nxënësit e shkollave të mesme. Detyrat e shtëpisë për nxënësit e shkollave fillore duhet të jenë minimale dhe të caktohen me qëllim për të ndërtua aftësitë e punës së pavarur. 

Shoqata Kombëtare e Arsimit rekomandon 10 minuta detyra shtëpie për çdo lëndë dhe ka gjithashtu disa prova eksperimentale që e mbështesin këtë.