Jamie Foxx u shtrua në spital për më shumë se një muaj për shkak të një komplikacioni mjekësor që nuk është bërë i ditur deri më tani, por që padyshim që i vuri në pikëpyetje jetën në moshën 55-vjeçare.

Ky moment i rëndësishëm bëri që Foxx të ndryshojë mënyrën e të menduarit dhe të parit e jetës dhe sipas burimeve pranë aktorit, ai tani po mendon një martesë të papritur me të dashurën e tij Alyce Huckstepp.

“Fakti që ai ishte gati të vdiste e ka zgjuar atë. Tani ai është shumë i vetëdijshëm se gjithçka mund të përfundojë në një çast”, tha burimi për National Enquirer. “Miqtë janë të shqetësuar se ai do të martohet me Alyce vetëm sepse është me atë tani. Tani ai është i emocionuar për ta bërë Alice gruan e tij dhe njerëzit mendojnë se ai po tregohet i vrullshëm”.

Më në fund, një mik pohon se fituesi i Oskarit nuk është i njëjtë me atë që ishte para se të kishte probleme të rënda shëndetësore. “Jamie pothuajse vdiq dhe ai nuk duket të jetë vetvetja që atëherë. Ai duket si një djalë tjetër që kur doli nga spitali”, shtoi një mik.

Jamie Foxx ka dy fëmijë: Corinne Foxx (29, me Connie Kline në vitet 1990, dhe Annalize Bishop (13) me Kristin Grannis, e cila ishte partnerja e Foxx 15 vite më parë.

Mes viteve 2013 dhe 2019 ai ishte në një lidhje me Katie Holmes dhe përflitet se ata u ndanë sepse Foxx donte të martohej ndërsa ajo jo, pas martesës me Tom Cruise (2006-2012).