Sir Elton John e ka kaluar natën në një spital në Francë, pasi u rrëzua në vilën e tij në Nice.
Këngëtari, 76 vjeç, u dërgua në departamentin ortopedik të qendrës spitalore Princess Grace në Monako, ku u trajtua për lëndime të lehta.
‘Eltoni vizitoi spitalin lokal si masë paraprake. Pas kontrolleve, ai është liruar menjëherë mëngjesin e sotëm dhe tani është kthyer në shtëpi në gjendje të mirë shëndetësore’, shpjegon një zëdhënës i këngëtarit.
Sir Elton po e kalon verën në Francë me bashkëshortin e tij David Furnish dhe dy djemtë e tyre pasi përfundoi turneun ‘Farewell Yellow Brick Road’ në korrik.
© SYRI.net