Sezonit të parë, të dështuar te Al Nassr, ia lanë vendin pushimet. Dhe kush më shumë sesa Cristiano Ronaldo do të dinte ta shijonte kohën e lirë më së miri.

Ndryshe nga verat e kaluara kur Mykonos ishte destinacioni i preferuar, këtë herë CR7 dhe familja u ndalën në jugun e Italisë, për të shijuar bregdetin e  Siçilisë dhe Sardenjës.

Nga jahtet luksoze, te motorët e ujit, ushqimi mesdhetar i përzgjedhur me kujdes dhe bikini që nxirrnin në pah linjën trupore mahnitëse të partneres së tij, pushimet e yllit portugez janë kthyer në sensacion në rrjet.

Kurt ë gjithë flisnin për krisje në raportin e tyre dhe një divorc në horizonte, Ronaldo dhe Georgina kanë treguar se janë të lumtur bashkë dhe këto kanë qenë pushime të mbushura me plot dashuri, e shfaqur pa filtra në rrjetet sociale.