Shumica e më shumë se 6 miliardë eurove të manjatit të biznesit në interesa bankare dhe rrjetesh televizive, do t’i kalojë dy fëmijëve më të mëdhenj.

Përplasjet për trashëgiminë që kanë përfshirë tashmë famijen e fuqishme duke u kthyer në një telenovelë verore për mediat, duket se po marrin zgjidhje pas vdekjes së ish-politikanit gjatë trajtimit për leukeminë më 12 qershor.

Në testamentin e tij Berlusconi ka përfshirë  Fascina, Paolo dhe bashkëpunëtorin e tij të denoncuar nga mediat si të lidhur me mafian, Marcello Dell’Utri, sipas të ndjerit për “dashurinë e ndërsjelltë që kishin për njëri-tjetrin”.

Dell’Ultri është në fakt i vetmi trashëgimtar jashtë lidhjeve familjare të Berlusconi dhe raportohet se ishte “mallëngjyer” nga vendimi mikut të tij për t’i lënë copën e pasurisë.

Biznesmeni italian dhe ish senator ka kryer pesë vjet burg në 2014 për lidhje me mafian siçiliane dhe ndërmjetësim me bizneset e Berlusconi nga viti 1974 deri në 1992.

Dell’Utri, me origjinë nga Siçilia, i ka mohuar akuzat.

“Vetëm kam qarë gjithë mëngjesin”, ha dje Dell’Utri për agjencinë vendase ANSA duke shtuar s e nuk e priste që Berlusconi të bënte këtë gjest.

“Atë e kisha si vëlla, njiheshim prej 60 vitesh. Gjithmonë më ka ndihmuar, dhe në universitet ndanim bashkë shënimet”, thotë ish-deputeti i dënuar.

Vëllai e motra e Berlusconi dhe gruaja e tij e parë Carla Dall’Oglio, do të mbajnë 53 përqind të aksioneve industriale në Fininvest. Deri tani ata kishin pasur vetëm 7.65 përqind.

Tre fëmijët e Berlusconi, Luigi, Eleonora e Barbara, nga martesa me Veronica Lario, do të kontrollojnë 47 përqind të aksioneve të mbetura të Fininvest, thanë burimet italiane.

Familja kontrollon gjithashtu kompani si MediaForEurope (Ish-Mediaset), e drejtuar nga Pier Silvio Berlusconi, shtëpia botuese Mondadori, e drejtuar nga Marina Berlusconi, si dhe banka Mediolanum.

Marina Berlusconi, presidente e Fininvest prej 2005, ëshë rikonfirmuar në postin e saj muajin e kaluar, ashtu si dhe drejtori i përgjithshëm Danilo Pellegrino.