Mësuesit në Zvicër kohët e fundit raportuan një numër shqetësues nxënësish, disa deri në 11 vjeç, që ende vinin në shkollë me pelena, sepse nuk mësuan kurrë se si të përdorin tualetin.

Në Zvicër, disa fëmijë e fillojnë shkollën në moshën katër vjeçare, kështu që nuk është e pazakontë që ata të mbajnë ende pelena.

Megjithatë, ata nuk janë problemi me të cilin thuhet se po përballen këto ditë shumë mësues në vendin evropian.

Sipas burimeve të shumta, nxënësit deri në moshën 11 vjeçare po vijnë në shkollë me pelena dhe mësuesit pritet t'i pastrojnë dhe t'i ndërrojnë ato nëse është e nevojshme.

Me sa duket, problemi është bërë mjaft i përhapur saqë një drejtor në Aargau po organizon aktivitet për të informuar prindërit se fëmijët duhet të jenë 'të thatë' kur të vijnë në shkollë pas pushimeve verore, ndërsa një shkollë tjetër po nxjerr fletushka për të informuar prindërit se mësuesit nuk janë përgjegjës për ndërrimin e pelenave të nxënësve të shkollës./ar.sh/SYRI.NET