Klaudia Pepa dhe Albi Nako kanë qenë një ndër çiftet më të dashura për publikun shqiptar. Dyshja të cilët patën një romancë të gjatë me njëri-tjetrin vendosën t’i jepnin fund marrëdhënies së tyre disa vite më parë.

Koreografi ka qenë i ftuar së fundmi në programin “S’e Luan Topi”, dhe tregoi se me Klaudiën sot ruan vetëm raporte miqësore.

 “Gjithsecili në punën e vet dhe kaq. Raporte miqësore në distancë. Paqe gjithçka”– u shpreh Albi Nako.

Pjesë nga intervista:

Erjona Rusi: Të pyeta për miq dhe kolegë, por po partnerja që e ke dashur gjithmonë në krah? Flas në aspektin profesional. Një balerinë që do të doje ta kishe në krah për të kërcyer dhe vallëzuar.

Albi Nako: Po unë s’kërcej më moj Erjona.

Erjona Rusi: Do të doje dikur…

Albi Nako: Po unë ça kam dashur dikur, e kam dashur dhe e kam patur, por…

Erjona Rusi: Një që do të vlerësoje si partnere në skenë, besoj se e ke një që e vlerëson.

Erjona Rusi: Në skenë, në skenë po flasim. Tani po të duash edhe në jetë…

Albi Nako: Tani këto janë i çik pyetje kështu gjithmonë… Unë e kuptoj shumë mirë gazetarinë sepse jam në gazetari vetë. I kuptoj shumë mirë këto goditjet…

Erjona Rusi: Jo e kisha vërtet për partneren që do të veçoje në skenë, ashtu sikurse vlerësove Klejdin nga miqtë… Një partnere skene.

Albi Nako: Partnere, unë e kam nisur karrierën time televizive me Ambeta Toromanin. Pas një bashkëpunimi 3 – 4 vjet, Ambeta iku në Itali. Pas Ambetës vjen Klaudia. Por partnere mund të themi, partnere që kemi kërcyer në çift. Sepse nuk e kam gëzuar këtë idenë e kërcimit në çift sepse gjithmonë kam udhëhequr trupa baleti dhe e kam pasur fokusin më shumë tek të tjerët sesa te vetja. Por këto të dyja mund të veçoja partnere skenike.