Modelja e famshme ka vizituar ishullin grek bashkë me shoqen e saj më të mirë. Po edhe verën e kaluar ishte në Greqi.

Claudia Schiffer ndodhet në ishullin Spetses, siç ka treguar përmes rrjeteve sociale. Modelja e njohur ka postuar dy foto në llogarinë personale në Instagram, ku dëshmon për vendin ku po shijon pushimet.

Ajo shoqërohet nga estetistja dhe shoqja e saj e ngushtë, Uta Huesch, me të cilën është fotografuar në një barkë si dhe në hotelin ku po qëndrojnë. Në mbishkrimin e postimit të saj, Claudia Schiffer shkroi: "Asgjë s’ka më mirë se të bëj pazar me shoqen time më të mirë".

Vitin e kaluar modelja e njohur nga Gjermania ka qenë sërish në Greqi për pushimet e saj verore.

Përmes profilit të saj personal në Instagram, Schiffer ka postuar një sërë pamjesh të peizazheve që i ranë në sy dhe do të mbeten të paharrueshme, siç ka përmendur edhe në mbishkrimin e publikimit të saj.

Në njërën prej fotove ajo shfaqet duke pozuar nga një hotel në Peloponez, ndërsa në një tjetër ka fotografuar Partenonin. “Nuk do t’i harroj kurrë këto peizazhe”, ka shkruar ajo në postimin e saj.