Është zyrtare! Një akullore japoneze e gatuar me përbërës evropianë është cilësuar si më e shtrenjta në botë nga Guinness World Records.

Është hedhur në treg akullorja më e shtrenjtë në botë - dhe kushton më shumë se mesatarja e pushimeve familjare. E quajtur "Byakuya", që do të thotë "diell i mesnatës" në japonisht, delikatesa, e krijuar nga marka Cellato, kushton 873,400 jen japonez (6200 euro ose 5,469 paund).

Por pse është kaq e shtrenjtë? Arsyeja qëndron në zgjedhjen e përbërësve. Midis tyre ka shije prestigjioze nga Italia – vendi i akullores - duke përfshirë Parmigiano Reggiano dhe një tartuf të rrallë të bardhë të rritur në Alba në rajonin e Piemonte, i cili kushton 2 milionë jen japonez (13800 euro ose 12,000 paund) për kilogram. Ëmbëlsira luksoze e ngrirë përfshin gjithashtu gjethe ari të ngrënshme dhe bishtaja sake.

Synimi i markës Cellato ishte të bashkonte përbërësit dhe shijet evropiane e japoneze në formën e akullores dhe, për të arritur këtë qëllim, kompania punoi me shefin e kuzhinës Tadayoshi Yamada nga restoranti RiVi në Osaka, i cili njihet për kuzhinën e tij kreative.

Duke shpjeguar procesin, Cellato tha: “Na u deshën mbi 1.5 vjet për t'u zhvilluar, shumë prova dhe gabime për të arritur shijen e duhur. Arritja e një titulli të rekordeve botërore Guinness e bëri përpjekjen të vlejë".

Disa nga ata që qenë me fat që e shijuan pudingun e kushtueshëm dhanë komplimente për të, duke thënë: "Aroma e fortë e tartufit të bardhë të mbush gojën dhe hundën, e ndjekur nga shijet e frutave komplekse të Parmigiano Reggiano. Gjethet e sakes e përmbyllin përvojën e lavdishme të kësaj shijeje".