Albumi i tretë i Rita Orës është pothuajse gati për publikun. Albumi i saj i tretë që nga ai i fundit “Phoenix” i cili u publikua në vitin 2018, do të njoftohet zyrtarisht me detaje në ditët në vijim dhe do të publikohet në kulmin e verës.

Tabloidi britanik The Sun zbuloi se Rita Ora ka kompozuar ose bashkë-kompozuar çdo këngë në album, i cili mes të tjerash përmban një këngë të quajtur “Notting Hill” ku ajo reflekton mbi jetën e saj para famës.

Një burim tha: “I gjithë albumi është super personal në vend që Rita thjesht të vendosë emrin e saj në këngët rreth dehjes në klube”.

“’Notting Hill’ është vërtet reflektuese. Ajo këndon duke bredhur rrugëve të Londrës Perëndimore me miqtë e saj ndërsa ëndërron të arrijë kohën e madhe të famës”.

Këngët e tjera, kryesisht kanë të bëjnë me gjetjen më në fund të dashurisë së saj të vërtetë, bashkëshortit Taika Waititi dhe quhen “The One”, “Shape of Me” dhe “Don’t Think Twice”.

Girl In the Mirror është një himn i dashurisë për veten për të gjetur paqen e brendshme dhe më në fund të qenit të lumtur në lëkurën tuaj”, tregoi burimi referuar një tjetër kënge të albumit.