Aktori i humorit, Ledio Lako ka kritikuar kolegët e tij që punojnë në Teatrin Kombëtar.

Ai u  shpreh se aktorët shqiptarë janë frikacakë, pavarësisht se janë shumë të mirë nga ana profesionale. Lako në një intervistë në “News 24” tha se ata duhet të ngrenë zërin për pagat në Teatrin Kombëtar, të cilat pretendon se janë shumë të ulëta.

“Kanë rroga shumë të vogla, më vjen keq që aktorët shqiptarë janë kaq të mirë dhe janë kaq frikacakë. Ata duhet të ngrihen të bëjnë diçka për veten e tyre.Unë e di lodhjen e tyre dhe se çdo të thotë kur ke rol kryesor dhe jep shfaqje të enjte, të premte, të shtunë, për rreth 1 orë e 30 minuta. Çdo gjë është rritur, ndërkohë rrogat jo”, u shpreh aktori.