Kim Kardashian ka reaguar së fundmi përmes rrjeteve sociale duke aluduar në komentet antisemite që ka bërë bashkëshorti i saj, Kanye West, gjatë kësaj kohe.

Reperi i “The Praise God” u përjashtua nga Instagrami dhe Twitteri pasi bëri komente të forta drejtuar komunitetit hebre.

Që nga incidenti, Vogue dhe Balenciaga po ashtu njoftuan se po ndërpresin lidhjet me babanë e katër fëmijëve.

Hate speech is never OK or excusable. I stand together with the Jewish community and call on the terrible violence and hateful rhetoric towards them to come to an immediate end.

— Kim Kardashian (@KimKardashian) October 24, 2022

Në Twitter, Kim – e cila bëri kërkesë për divorc nga stilisti Yeezy shkurtin e kaluar – iu bashkua atyre që flisnin në mbështetje të komunitetit hebre.

“Gjuha e urrejtjes nuk është asnjëherë e mirë apo e justifikueshme”, shkroi ajo.

“Unë qëndroj së bashku me komunitetin hebre dhe bëj thirrje që dhuna e tmerrshme dhe urrejtjet ndaj tyre të marrin fund”.

Fjalët e yllit të “Kardashians” vijnë pasi Boy George më parë e kritikoi atë për heshtje publike ndaj komenteve të ish-partnerit të saj.

“Jam i tmerruar që nuk kanë dalë më shumë artistë dhe kanë folur kundër asaj që ai thotë”, tha muzikanti i “Culture Club” në një video në Instagram.