Mbrëmjen e djeshme festivali ndërkombëtar i operës, “Ramë Lahaj International Opera Festival”, i tenorit të njohur Ramë Lahaj, është shoqëruar me një incident.

Koncerti është ndërprerë për disa minuta për shkak të një alarmi për bombë.

Mirëpo, koncerti ka nisur sërish pas kontrolleve nga Policia e Shtetit, e cila zbuloi se alarmi ishte fals.

“Rreth orës 19:30 është pranuar informata për dyshimet që ndërlidhen me një shpërthim të mundshëm në Kompleksin e Universitetit ‘Hasan Prishtina’ në Prishtinë. Policia menjëherë ka dalë në vendin e ngjarjes dhe ka nisur ndërmarrjen e veprimeve operative të nevojshme për të menaxhuar me situatën”, ka thënë zëdhënësja e Policisë së Kosovës për rajonin e Prishtinës, Flora Ahmeti.