Bora Zemani dhe Donald Veshaj kanë qenë dy nga emrat më të komentuar së fundmi që nga hyrja e Borës në shtëpinë e ‘BBV’, ku dyshja ka shkëmbyer edhe një puthje.

Së fundmi, shkak është bërë veshja që Bora Zemani kishte veshur gjatë moderimit të saj mbrëmjen e djeshme në “Përputhen PRIME”.

 Ajo mbante veshur një palë pantallona me gurë dhe një xhaketë e cila ishte e mbuluar po ashtu nga gurë me xixa, një look i cili ishte frymëzuar nga aktorja e njohur ndërkombëtare Zendaya, në një nga paraqitjet e saj për tapetin e kuq.

Ndjekësit kanë aluduar që kjo veshje lidhet me ish të dashurin e saj Donald Veshaj, për shkak se Zendaya është e lidhur me Tom Holland, aktorin që luan “Spiderman”-in, një personazh, preferencën për të cilin, Donaldi e ka shprehur që në fillim të formatit.

Kjo gjë është pikatur gjithashtu nga Olti Curri, i cili ka shpjeguar në një “story” këtë hipotëze.

“U postua një foto nga Bora duke vesur të njejtën veshje si Zenday e cila në filmin e Spiderman ka luajtur rolin e të dashurës së Spiderman. Spiderman dihet që është filmi i preferuar i Donaldit. Nga ana tjetër kur kishte ditëlindjen Bora, Donaldit në shtëpi i shkoi një parashutë me fotografinë e Spiderman dhe MJ duke u puthu dhe një tjetër ku shkruhej “Dashuria nuk duhet të jetë kurrë një sekret” bashkë me datën 9 janar.”