Bordi komunist i Edi Ramës është mbledhur sërish.
Edhe sot ata kanë vazhduar talljen me shqiptarët.
Me vendim të bordit, çmimi i naftës është ulur me vetëm dy lekë.
Në mbledhjen e të shtunës, bordi e vendosi çmimin e naftës 223 lekë për litër, ndërsa sot e zbriti në 221 lekë për litër.
Shqiptarët vijojnë të jenë populli që blen me shtrenjtë naftën në rajon por dhe më gjerë.
Çmimi i benzinës është ulur me 5 lekë, nga 209 lekë për litër, në 204 lekë për litër.
Edhe gazi është ulur me 1 lek. 1 litër gaz do të shitet me 73 lekë.
Çmimet e reja hyjnë në fuqi mesditën e të enjtes, prej orës 12:00.
Vendimet e Bordit
Çmimi i shitjes me pakicë i nënproduktit gasoil i standardit SSH EN 590 të jetë jo më shumë se 221 lekë/litri, ndërsa i shitjes me shumicë jo më shumë se 209 lekë/litër.
Çmimi i shitjes me pakicë i nënproduktit benzinë e standardit SSH EN të jetë jo më shumë se 204 lekë/litri, ndërsa i shitjes me shumicë jo më shumë se 192 lekë/litër.
Çmimi i shitjes me pakicë i nënproduktit gaz, të jetë 73 lekë/litri me pakicë dhe i shitjes me shumicë 621 lekë/litër për automjetet.
Çmimi i gazoilit për peshkim është vendosur 127 lekë/litër.
Çmimet e caktuara nga Bordi do të hynë në fuqi në datë 17 Nëntor, ora 12.00, dhe do të jenë të vlefshme deri në mbledhjen e ardhshme të bordit ku do të pasqyrohen ndryshimet e çmimeve të shitjes.
Bordi i transparencës që në krijimin e tij i është përmbajtur me përpikmëri në vendimet e tij lëvizjes së bursës Platts të Mesdheut për gazoilin, benzinën, si dhe faturave zyrtare të operatorëve.
Ministria e Financave dhe Ekonomisë ndjen detyrimin të sqarojë opinionin publik se jo çdo lëvizje e bursës së naftës bruto reflektohet në të njëjtën kohë dhe në të njëjtën masë në bursën e gazoilit dhe benzinës.
© SYRI.net