Edhe pse kryeministri Edi Rama ka deklaruar se nuk do t’i paguajë asnjw qindarke Françesko Beketit, gjyqi i humbur në arbitrazh po i kushton miliona euro shtetit shqiptar. Kryeministri Rama ka kryer 15 pagesa pwr avokatët kundër biznesmenit Beketi, nw vlerë 2 mln euro. Ndërkohë shuma totale që qeveria duhet të paguajë në arbitrazh, është 140 mln euro
SYRI TV
Qeveria ka paguar mbi 1 milionë e gjysmw euro për shërbimet avokatore në procesin përballë biznesmenit italian, Françesko Beketi, në Arbitrazhin Ndërkombëtar.
Sipas të dhënave të siguruara nga “Syri Televizion”, Ministria e Financave ka kryer të paktën 15 pagesa për zyra juridike ndërkombëtare, të cilat kanë ndjekur çështjen me numër ARB 15/28, “Hydro Srl Kundër Shqipërisw”, në Gjykatën e Bankës Botërore, ICSID.
Shuma e paguar prej muajit prill 2019 e deri më tani është saktësisht 182 milionë lekë të reja. Përfituesit e këtyre shumave janë kryesisht studiot ligjore “Cohen & Gresser” dhe “Foley Hoag L.L.P”.
Në rast se kësaj shume i shtohet edhe rreth 450 mijë euro që ka përfituar studio “Omnia Strategy” e bashkëshortes së ish-kryeministrit britanik, Toni Bler, atëherë përballja ligjore e Edi Ramës me Beketin shkon përtej 2 milionë eurove.
Shteti shqiptar ka humbur procesin e Arbitrazhit me shoqërinë “Hydro srl” dhe është detyruar të paguajë rreth 140 milionë euro.
Kryeministri Edi Rama ka deklaruar shpesh se Beketi nuk do të marrë asnjë lek nga qeveria e tij, megjithëse vendimet e Arbitrazhit Ndërkombëtar janë të detyrueshme për t’u zbatuar.
Rama dhe kabineti i tij po vijojnë të paguajë tarifa avokatore, me shpresën e anulimit të vendimit të Gjykatës së Arbitrazhit.
Por, përpjekja e tij po i kushton miliona euro të tjera shtetit shqiptar, kësaj radhe për shërbime konsulence juridike.
Biznesmeni italian, Françesko Beketi, paditi shtetin shqiptar në Arbitrazhin Ndërkombëtar, menjëherë pasi qeveria e Edi Ramës mbylli televizionin “Agon Channel”.
Gjykata e Bankës Botërore konstatoi shkelje të rënda nga shteti shqiptar dhe e dënoi qeverinë me 110 milionë euro, të cilat duhet t’ia japë biznesmenit italian.
Ndërkohë, shpenzimet e tjera gjyqësore arrinin në vlerën 30 milionë euro.
© SYRI.net
Informaliteti dhe grumbullimi pa fatura po dëmtojnë prodhuesit e serrave, çmimet nën kosto
Agrokredia Tak Fak, produkti ideal për çdo fermer!
Kursi zyrtar i këmbimit, 9 maj 2024Gjobën prej 140 milion Euro, pagesën e avoketërve kundër Beketit prej 2milion Euro, dhe 30 milionë Euro të tjera nga një gjyq tjetër i humbur, janë mega-dëme skandaloze që po i paguajmë ne, taksapaguesit shqiptarë dhe jo Rama!! Rama nuk ka paguar asnjë cent nga xhepat e tij. Prandaj mos thoni që i pagoi Rama. Po të ishte që do t'i paguante Rama nga xhepat e tij, asnjë cent nuk do të merrnin avoketërit. Por ai dhe narko-banda e tij do t'i paguajnë cent për cent gjithçka që kanë shpërdoruar, vjedhur dhe grabitur dhe do t'iu kthehen atyre, vetëm nëse vetë taksapaguesit e mjerë dhe fukarenj shqiptarë do të vendosin që të mos e votojnë këtë narko-bandë mafioze. Pra vetë e kanë në dorë, të mirën dhe të keqen e tyre, dhe të mos ankohen, të qajnë dhe të ulërijnë rrugëve kundër qeverisë. Janë vetë taksapaguesit shqiptarë që e kanë në dorë qeverinë. Nëse nuk e duan e rrëzojnë, nëse e kanë qejf fukarallëkun, mizerjen, varfërini, skamjen dhe nëpërkëmbjen, e kanë vetë në dorë. Rama me votat e tyre poqëndron në pushtet dhe po i sundon e masakron!! E kanë vetë në dorë nëse duan që të shpëtojnë përfundimisht nga skllavëria dhe diktatura!
Denonco
Merrni lajmet më të fundit nga SYRI.net në çdo moment dhe kudo që të jeni!
