Tjetër rënie në raportet ndërkombëtare/ Shqipëria, e treta nga fundi për biznes

Tjetër rënie në raportet ndërkombëtare/ Shqipëria, e treta nga fundi për biznes

18:23, 01/09/2020

Shqipëria ka humbur edhe dy pozicione në renditjen e Dhomës Europiane në raportin e quajtur “Vendet më të mira Europiane për Biznes 2020”.

Në raportin, që bazohet në indekset e Bankës Botërore dhe Transparency International, Shqipëria renditet në vendin e 44 në Europë, me 51 pikë, nga 46 vende të marra në analizë. Në këtë mënyrë, vendi ynë ka lënë pas vetëm Bosnje Hercegovinën dhe Ukrainën, ndërsa të gjitha vendet e tjera të rajonit janë më mirë se Shqipëria.

Ndër vendet e Ballkanit Perëndimor, që synojnë integrimin në Bashkimin Europian, më mirë renditet Mali i Zi në vendin e 30, me 59 pikë të grumbulluara. Më pas vjen Maqedonia e Veriut, në vendin e 36 me 58 pikë, Serbia në vendin e 38 me 57 pikë dhe Kosova në vendin e 40 me 55 pikë.

Rezultati i Dhomës Europiane llogaritet duke marrë për bazë indeksin e Bankës Botërore për “lehtësitë e të bërit biznes” dhe “Indeksin e Perceptimit të Korrupsionit” të Transparency International. Rezultati i Dhomës Europiane për një vend të caktuar reflektohet nga një shkallë nga 0 deri në 100, ku zero përfaqëson performancën më të dobët dhe 100 performacën më të mirë.

Përsa i përket vendeve më të mira për të bërë biznes, listën e kryeson Danimarka me 86 pikë, e ndjekur nga Suedia, Norvegjia, Finlanda dhe Zvicra./ SCAN 

© SYRI.net

Lexo edhe:

Komentet

Shto koment

Denonco