Qeveria italiane ka dëbuar dy atashe ushtarakë që punojnë në Ambasadën Ruse në Itali. Ministri i Jashtëm italian Antonio Tajani njoftoi dëbimin në një postim në rrjetet sociale, duke shpjeguar se të dy u identifikuan si “përgjegjës për aktivitete spiunazhi” në hetimin e kryer nga Prokuroria e Romës.
“Sekretari i Përgjithshëm i Ministrisë së Punëve të Jashtme sapo ka informuar Ambasadorin rus në Romë se Ivan Petroviç Gorbaçov dhe Mikhail Vasilyeviç Astakhov duhet të largohen nga Roma brenda tre ditësh.
Moska vazhdon të përdorë armët e saj hibride për të sulmuar Perëndimin dhe Italinë. Kjo është një ndërhyrje serioze dhe e papranueshme në institucionet dhe sigurinë kombëtare italiane.”, shkroi ministri italian në rrjete sociale.
Ministria e Jashtme ruse reagoi menjëherë ndaj lajmit të dëbimit, duke premtuar se do t’i “përgjigjej në mënyrë të përshtatshme” vendimit të Romës.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Paqja SHBA-Iran mund të ringjallë ekonominë globale/ Oxford Economics parashikon rritje 3.1% në gjysmën e dytë të vitit
Kuvajti intercepton raketa dhe dronë, një person mbetet i plagosur
Bonnie Tyler, këngëtarja e Total Eclipse of the Heart, ndërron jetë në moshën 75 vjeç