Përse udhëheqësi suprem i Iranit, Mojtaba Khamenei, nuk u shfaq në funeralin e babait të tij

Tre djemtë e Ajatollah Ali Khameneit, i cili u vra më 28 shkurt, ditën e parë të ofensivës SHBA-Izrael kundër Iranit, u lutën sot pranë arkivolit të tij, por Mojtaba, djali që e pasoi atë si udhëheqës suprem, nuk u shfaq, raportoi agjencia britanike Reuters në faqen e saj të internetit.

Televizioni shtetëror tregoi Mostafa-n, Maysam-in dhe Massoud-in duke i bërë homazhet e tyre pas arkivolit të Ali Khameneit dhe arkivoleve të katër anëtarëve të tjerë të familjes që u vranë në të njëjtin sulm, në një kompleks të madh fetar në Teheran .

Mojtaba Khamenei , i cili dyshohet se u plagos në sulmin e 28 shkurtit, ende nuk është shfaqur në publik dhe nuk janë publikuar fotografi të tij. Njerëz të afërt me udhëheqësin e ri i thanë Reuters se fytyra e tij ishte shpërfytyruar dhe kishte një dëmtim serioz në këmbë.

"Deri në momentin e fundit, para se të fillonte lutja, vazhdoja t'u thoja atyre përreth meje se shpresoja që (Moxhtaba Khamenei) të ishte atje personalisht. Kjo ishte dëshira jonë e vetme", tha një grua e re e intervistuar në vendngjarje nga agjencia gjysmëzyrtare e lajmeve Tasnim.Armëpushimi i dha fund një lufte katërmujore sipas një marrëveshjeje me Uashingtonin që zyrtarët iranianë thonë se përfundimisht do të sjellë përfitime të konsiderueshme ekonomike, në atë që ata e përshkruajnë si një fitore ndaj superfuqisë.

Presidenti i SHBA-së, Donald Trump, i cili deklaroi të shtunën se SHBA-të kishin shkatërruar ushtrinë e Iranit, i tha faqes së lajmeve Axios se bisedimet e paqes ishin pezulluar për një javë për të lejuar funeralin dhe nderimet e tjera të funeralit.

Qeveria e Iranit do të mbajë procesione të mëdha mortore gjatë një jave për të përkujtuar njeriun që ishte udhëheqësi i saj suprem për 37 vjet.