Bilanci i të vdekurve në Venezuelë rritet në 589, me gati 3,000 të plagosur

Numri i të vdekurve në Venezuelë është rritur në 589, ndërsa numri i të plagosurve është tani 2,980, tha Presidentja në detyrë Delsy Rodriguez.

Të dhënat e mëparshme zyrtare flisnin për 235 të vdekur dhe 4,300 të plagosur, raporton BBC .

Tërmete me magnitudë 7.5 dhe 7.2 të shkallës Rihter goditën Venezuelën gjatë natës midis të mërkurës dhe të enjtes.

Shërbimi Gjeologjik i SHBA-së njoftoi se ishte një fenomen i rrallë i njohur si "doublet", pra një tërmet i dyfishtë . Pas këtyre dy tërmeteve, u regjistruan të paktën 138 lëkundje pasuese.

Shumë prej tyre janë të zhdukur ose janë ende të bllokuar nën rrënoja, ndërsa ekipet e shpëtimit kërkojnë të mbijetuar edhe gjatë natës.

Shumë banorë mbetën pa strehë pasi shtëpitë e tyre u rrafshuan me tokë në qytetin portual të La Guaira, kryeqytetin Karakas dhe zonat përreth.

Fatkeqësia ka goditur Venezuelën në një kohë kur vendi po përballet tashmë me një krizë të thellë politike dhe financiare. Ekipet e shpëtimit nga pjesë të ndryshme të botës po përgatiten të mbërrijnë, ndërsa premtimet për ndihmë të huaj po vërshojnë. Megjithatë, e ashtuquajtura "periudhë e artë" për gjetjen e të mbijetuarve po shkurtohet.

Janë shfaqur gjithashtu disa faqe interneti jozyrtare ku familjet postojnë foto të të dashurve të tyre të zhdukur. Një punonjës humanitar deklaroi se banorët po kërkonin edhe të afërm në rrugë.

Kombet e Bashkuara thanë se po koordinonin vendosjen e ekipeve të kërkim-shpëtimit në Venezuelë, ndërsa më shumë vende ofruan ndihmë. Shtetet e Bashkuara njoftuan 150 milionë dollarë ndihmë dhe ushtria amerikane tha se do të dërgonte forcat e Komandës Jugore në rajon.

UNICEF paralajmëroi se mijëra fëmijë janë në rrezik dhe se shumë familje kanë nevojë për ndihmë urgjente.

Tërmetet i kanë vënë një barrë shtesë sistemit shëndetësor të Venezuelës, i cili ka qenë në krizë prej vitesh.