Po shkonte në punë, gruaja përpihet nga puseta! Shikoni videon

Një grua 31-vjeçare në Brazil përjetoi momente tmerri pasi teksa ecte në një moment toka iu zhduk nga këmbët.

Gruaja ra brenda në pusete në trotuar teksa po shkonte në punë. Incidenti ndodhi të dielën në mëngjes, më 31 maj, në rrugën Oto de Alencar, në lagjen Marakana, përpara një kompleksi shkollor.

Sipas mediave braziliane, gruaja sapo kishte zbritur nga një motoçikletë që po e çonte në punë dhe po ecte në trotuar kur shkeli mbi kapakun e pusetës.

Sapo këmba i prek kapakun metalike, ajo shembet dhe gruaja bie në pusetën e kanalizimeve. Burri në motoçikletë e kupton çfarë ka ndodhur dhe vrapon drejt vendit të ngjarjes për të ofruar ndihmë.

Disa minuta më vonë, mbërritën zjarrfikësit të cilët arritën ta nxjerrin dhe gruaja u dërgua në spital, ku mjekët përcaktuan se ajo kishte lëndime të moderuara, por jeta e saj nuk ishte në rrezik.

Çfarë regjistruan kamerat?

Ngjarja mori një tjetër rrjedh kur autoritetet shqyrtuan pamjet nga i njëjti sistem mbikëqyrjeje. Kamerat kishin regjistruar dy të rinj që ndërhynin në të njëjtin pusetë rreth orës 2 të mëngjesit. Sipas policisë të rinjtë kishin dashur ta vidhnin. Edhe pse nuk arritën ta merrnin me vete, njëri prej tyre thuhet se e vendosi pa e siguruar siç duhet bazën e kapakut.
Autoritetet besojnë se rilidhja e gabuar ishte arsyeja pse kapaku u shkëput në momentin kur gruaja vuri këmbën

Pas incidentit, ekipet bashkiake nxituan në zonë dhe gjetën dy kapakë pusetash të zhvendosur. Autoritetet bashkiake njoftuan se pajisjet u zëvendësuan menjëherë dhe se shërbimet e mirëmbajtjes u udhëzuan të vazhdonin me kontrolle dhe fiksime shtesë, me qëllim që të shmangeshin incidente të ngjashme në të ardhmen.

Incidenti ka shkaktuar debat të nxehtë në Brazil rreth problemit shumëvjeçar të vjedhjes së kapakëve metalike dhe infrastrukturës komunale, një fenomen që shpesh paraqet rreziqe serioze për këmbësorët dhe shoferët.