Këshilltari i udhëheqësit suprem të Iranit, Mohsen Rezaei, e ka cilësuar patetike, kërkesën e Presidentit të SHBA-ve, Donald Trump për hapjen e Ngushticës së Hormuzit.
“Presidenti budalla i Shteteve të Bashkuara ka kaluar nga thënia ‘Unë do ta hap Ngushticën’ në ‘hap Ngushticën’, e shoqëruar me fyerje patetike kundër popullit iranian”, tha Mohsen Rezaei, këshilltar ushtarak i udhëheqësit suprem të Iranit, në X.
“Vazhdimi i kërcënimeve të tij… nuk është gjë tjetër veçse zhytje më thellë në një moçal lufte të vetëimponuar me Iranin”, shtoi ish-komandanti i IRGC-së.
Nga ana tjetër, Emiratet e Bashkuara Arabe thanë se janë të gatshme të mbështesin fushatën ushtarake amerikane kundër Iranit për të rimarrë kontrollin e Ngushticës së Hormuzit, raportoi Fox News duke cituar një intervistë me Anwar Gargash, këshilltarin diplomatik të Presidentit të Emirateve të Bashkuara Arabe.
"Për ne, Ngushtica e Hormuzit nuk mund të mbahet peng nga një vend i vetëm", tha Gargash.
"Ne nuk jemi gati të veprojmë si forcë detare, por do t'i bashkohemi çdo përpjekjeje të udhëhequr nga amerikanët, përpjekjeve ndërkombëtare për të siguruar lundrimin në Ngushticën e Hormuzit. Jemi gati të luajmë rolin tonë", shtoi ai.
"Kjo është jashtëzakonisht e rëndësishme për ekonominë globale dhe tregtinë globale; është një çështje që është jashtëzakonisht e rëndësishme për të gjithë. Ngushtica e Hormuzit nuk mund të mbahet peng nga asnjë vend", tha Gargash./ Iran International.
© SYRI.net
Denonco
Merrni lajmet më të fundit nga SYRI.net në çdo moment dhe kudo që të jeni!
Fond 300 miliard $ për Iranin, Trump hedh poshtë pretendimet për pagesa 
Ministri izraelit Ben-Gvir anulon udhëtimin në SHBA për shkak të vështirësive me vizën
Parlamenti suedez miraton masa më të rrepta kundër emigracionit