Çmimi mesatar i benzinës në Shtetet e Bashkuara arriti në 4 dollarë për galon, më i larti që nga viti 2022, pasi lufta në Iran ndaloi në thelb trafikun e cisternave të naftës përmes Ngushticës së Hormuzit, raportoi sot CNN.

Ndërkohë, Presidenti i SHBA-së, Donald Trump, vazhdoi të dënonte aleatët. Ai i kërkoi Britanisë së Madhe dhe vendeve të tjera që kanë nevojë për karburant për avionë të shkonin në Hormuz dhe "ta merrnin vetë".

Britania ka njoftuar se po dërgon sisteme shtesë të mbrojtjes ajrore në vendet e Gjirit Persik për të mbështetur "mbrojtjen kolektive të aleatëve".Në të njëjtën kohë, vazhdojnë spekulimet rreth një ndërhyrjeje të mundshme tokësore nga Shtetet e Bashkuara në Iran .

Anija amerikane "Tripoli", e cila besohet se transporton marinsat, ndodhet në Oqeanin Indian, njoftoi Komanda Qendrore Amerikane, ndërsa spekulimet për një operacion të mundshëm tokësor të SHBA-së në Iran po intensifikohen.

Duke folur për këtë mundësi, Sekretari i Mbrojtjes Pete Hegsett tha se Shtetet e Bashkuara synojnë të jenë “të paparashikueshme” në luftë.