Fotot e një ushtareje pranë një avioni luftarak, e veshur me kamuflazh në shkretëtirë, ose duke shoqëruar Donald Trump në pistën e zbritjes në ditën e parë të sulmeve amerikane ndaj Iranit, e bënë atë menjëherë virale.

Për shumë përdorues, Jessica Foster, një ushtare amerikane, u bë “vajza e ëndrrave” e tyre. Sipas Washington Post, në Instagram ajo arriti të fitonte më shumë se një milion ndjekës brenda katër muajsh.

Rasti i saj nxjerr në pah një trend gjithnjë e më të përhapur në Shtetet e Bashkuara: llogaritë që përziejnë patriotizmin me përmbajtje të butë erotike po përdorin profile femrash imagjinare dhe imazhe jashtëzakonisht realiste për të tërhequr shikues, për të fituar të ardhura nga interesi i tyre dhe për të forcuar ndikimin politik.