Kinë, kërkohen tetë persona të zhdukur pas shpërthimit në uzinën e çelikut

Ekipet e shpëtimit janë ende në kërkim të tetë personave të zhdukur në një shpërthim që ndodhi në një fabrikë çeliku në Mongolinë e Brendshme të Kinës.

Mongolia e Brendshme është një rajon autonom brenda Kinës.

Policia kineze arrestoi personat përgjegjës pasi shpërthimi vrau dy persona dhe shtroi në spital 84 prej tyre.

Shpërthimi, i cili ndodhi dje në një fabrikë në Baotou, shkaktoi dridhje të tokës në zonën përreth, me një re të madhe tymi të bardhë që ngrihej lart në qiell.

Një rezervuar presioni i projektuar për të ruajtur avull me temperaturë të lartë shpërtheu, thanë zyrtarët e qytetit.

Kompania "Baogang United Steel" është një kompani e madhe shtetërore.