Gjykata Evropiane e Drejtësisë: Kompanitë ajrore duhet të paguajnë komision në rast të anulimeve të fluturimeve

Gjykata Evropiane e Drejtësisë (GJED) ka vendosur që linjat ajrore duhet të rimbursojnë komisionet ndaj ndërmjetësve, siç janë faqet e rezervimit të biletave, në rast të anulimeve të fluturimeve, edhe nëse ata nuk ishin në dijeni të shumës së saktë, raportoi sot Spiegel.

Faqet e rezervimit të biletave të avionit si Kiwi, Opodo, Flug24 dhe të tjera deri më tani u kanë kërkuar pasagjerëve të marrin një komision, edhe në rast të anulimit të një fluturimi.

Sipas vendimit të GJED-së, linjat ajrore duhet të rimbursojnë komisionet ndaj ndërmjetësve nëse një fluturim anulohet.

Me këtë vendim, gjykata në Luksemburg forcon mbrojtjen e pasagjerëve që rezervojnë bileta përmes një portali rezervimi online, sipas gazetës gjermane.

Në një rast të veçantë, pasagjerët blenë bileta avioni nga Vjena në Lima me linjën ajrore holandeze KLM në faqen e internetit të agjencisë së udhëtimit Opodo, raportoi e përditshmja gjermane.

Meqenëse fluturimi u anulua, KLM rimbursoi çmimin e biletës, por mbajti afërsisht 95 euro, të cilat Opodo i ngarkoi si komision.Çështja iu drejtua Gjykatës Supreme të Austrisë, e cila ia përcolli çështjen Gjykatës Evropiane të Drejtësisë për sqarim.

Gjykata më e lartë e BE-së vendosi në vitin 2018 se linjat ajrore duhet t'i kompensojnë klientët e tyre jo vetëm për çmimet e biletave, por edhe për tarifat e rezervimit nga palët e treta, por vetëm nëse ata ishin në dijeni të këtyre komisioneve.

Kompania KLM pretendoi këtë herë se nuk ishte në dijeni të ekzistencës ose shumës së komisionit.

Siç e shpjegoi gjykata në Luksemburg, nuk ka rëndësi nëse linja ajrore e di shumën e saktë të komisionit, dhe për këtë arsye duhet të paguajë edhe nëse pranon që ndërmjetësi të lëshojë bileta avioni në emër dhe për llogari të tyre.

Në këtë rast, mund të supozohet se kompanitë janë në dijeni të praktikës së ndërmjetësit për të ngarkuar komisione, të cilat janë një komponent "i pashmangshëm" i çmimit të biletës, dhe për këtë arsye konsiderohen të miratuara nga linja ajrore, tha gazeta.