Një helikopter u rrëzua në malin Kilimanxharo të Tanzanisë, duke vrarë pesë persona, tha të enjten autoriteti i aviacionit civil, ndërsa media lokale raportoi se helikopteri ishte në një mision shpëtimi mjekësor.

Të vrarët u identifikuan si një udhërrëfyes dhe një mjek - të dy tanzanianë - piloti zimbabvean dhe dy turistë nga Republika Çeke, tha Parku Kombëtar i Tanzanisë në një deklaratë.

Helikopteri u rrëzua pranë Kampit Barafu të malit të mërkurën, tha Autoriteti i Aviacionit Civil të Tanzanisë në një deklaratë.

Gazeta Mwananchi dhe televizioni East Africa, duke cituar kreun e policisë së rajonit Kilimanxharo, raportuan se helikopteri ishte në një mision shpëtimi mjekësor.

Mali Kilimanxharo, maja më e lartë e Afrikës, është gati 6,000 metra (20,000 ft) mbi nivelin e detit.

Përplasja ndodhi midis 4,670 dhe 4,700 metrave, raportoi Mwananchi.

Rreth 50,000 turistë ngjiten në Kilimanxharo çdo vit./ Reuters.